ПОЗНАТИ И ОСТАНАТИТЕ ПОЛУФИНАЛИСТИ

Со одигрувањето на натпреварите: „Чифлик“ – „Грдовци“ и „Карбинци“ – „Бели“ се добија преостанатите две екипи кои во петок и сабота ќе играат во полуфиналните натпревари за годинешните „Илинденски Спортски Игри – Чешиново 2010“.

Гледачите што во голем број ги следеа овие натпревари уживаа во мајсториите на фудбалерите но и во големата неизвесност на натпреварите.

Натпреварот „Чифлик“ – „Грдовци“ заврши без голови па рулет-пеналот го реши полуфиналистот. Поуспешни изведувачи на ударите од белата точка беа играчите на „Чифлик“ и на крајот се радуваа бидејќи славеа со 6:5.

И вториот натпревар беше доста интересен и неизвесен. По голема борба во сите деведесет минути екипата на „Бели“ на крајот славеше над екипата на „Карбинци“ со 3:2.

Победниците во полуфиналните натпревари ќе изборат влез во големото финале кое е закажано за 2.Август со почеток во 17,30 часот.

С. Ивановски