Денес, во „Паркот на Револуцијата“ во Кочани членовите на ЗД „Јосип Броз ТИТО“ од Кочани останаа верни на традицијата, на скромен и достоинствен начин со положување на цвеќе пред бистите на Љупчо Сантов и Раде Кратовче го прославија денешниот ден 29-ти Ноември, роденденот на некогашната држава, Југославија.
Годинава изостана традиционалното дефиле со возила низ улиците на Кочани во знак на почит кон сите настрадани во трагедијата што се случи во дискотеката „Пулс“.
За потсетување, на денешен ден 1943 година во босанското гратче Јајце во своето обраќање пред присутните делегати водачот на Југославија Маршалот Јосип Броз Тито од говорницата меѓу другото кажа дека Македонија ќе биде рамноправна Република во склопот на Федерацијата на Југославија и дека народот ќе си зборува на чист македонски јазик, а Македонците како народ ќе бидат рамноправни со останатите народи и народности.
С. Ивановски
КОМЕНТАРИТЕ СО НАВРЕДЛИВА СОДРЖИНА И ВУЛГАРНОСТИ ЌЕ БИДАТ ИЗБРИШАНИ А НИВНИТЕ АВТОРИ БЛОКИРАНИ
