Со особена чест и задоволство Ве поканувам да бидете дел од Мозаик работилницата што ќе се одржи во периодот од 17 до 19 јуни 2026 година во Ликовната галерија при НУЦК „Марко Цепенков“ – Прилеп.
Мозаикот е една од најстарите и највпечатливи ликовни техники, уметност во која секое мало парче носи свое значење и придонесува кон создавање на единствена целина. Преку оваа работилница учесниците ќе имаат можност да се запознаат со основите на мозаичната уметност, процесот на осмислување на композиција, изборот и обработката на материјалите, како и практичната изработка на сопствени мозаични дела.
Мојата цел како ментор е да ги поттикнам креативноста, трпеливоста и индивидуалниот уметнички израз кај секој учесник, овозможувајќи простор за истражување, учење и создавање. Верувам дека мозаикот не е само техника, туку и начин на размислување – процес во кој од многу различни елементи се создава хармонија и убавина.
Ги поканувам сите љубители на уметноста да ни се придружат во ова креативно патување и заедно да создадеме дела кои ќе сведочат за моќта на уметноста да поврзува, инспирира и остава трајни вредности
.Голема благодарност за координацијата и поканата до колегата и долгогодишен соработник Марјан Стојаноски.
м-р Александра Димитрова
Академски сликар и ментор на работилницата
КОМЕНТАРИТЕ СО НАВРЕДЛИВА СОДРЖИНА И ВУЛГАРНОСТИ ЌЕ БИДАТ ИЗБРИШАНИ А НИВНИТЕ АВТОРИ БЛОКИРАНИ
