По повод 14 јуни, Светскиот ден на крводарителството, в. д. градоначалникот на Општина Кочани Венко Крстевски се сретна со кочанските крводарители.
Претставниците на Општинската организација на Црвен крст – Кочани информираа дека на годишно ниво собираат над 1000 крвни единици и реализираат до 22 крводарителски акции.
Годинава крводарителот Ацо Ангелов бележи 135 дарувања крв, Тиме Златков од Тркање – по стоти пат дарувал крв, а младата Сара Бочварева – веќе 11 пати.
„Вие сте слика на хуманоста и како општество мора да научиме да ги вреднуваме хуманите луѓе, посебно крводарителите бидејќи крвта не се произведува“ истакна Крстевски, ветувајќи максимална поддршка од Општината и воведување општински мерки за крводарителите.
Во рамки на промоција на крводарителството ОО на Црвен крст – Кочани работи со млади, организира крводарителски акции со средношколците, полицијата и за приватниот сектор.
КОМЕНТАРИТЕ СО НАВРЕДЛИВА СОДРЖИНА И ВУЛГАРНОСТИ ЌЕ БИДАТ ИЗБРИШАНИ
