Со доделувањето на уверенијата на новиот градоначалник на Општина Кочани, Д-р Владко Грозданов и на деветнаесетте членови на Советот на Општината, започна новиот мандат на локалната власт.
Врачувајќи им ги уверенијата, претседателката на Општинската Изборна Комисија – Кочани, Билјана Димовска Гичева истакна дека на Локалните избори 2025 жителите со право на глас им ја дале довербата за раководење на општината во наредните четири години и им посака успешна и конструктивна работа.
Што се однесува до Советот на Општина Кочани ниту една партија со своите коалициони партнери нема мнозинство, ВМРО ДПМНЕ е со 8 советника, Независната листа – група избирачи на Благица Сабовљевиќ Стоименова 4, СДСМ 3, Независна листа – група избирачи на Влатко Здравков 2, Движењето ЗНАМ 1 и Независна листа на Аки Акиов 1.
С. Ивановски
КОМЕНТАРИТЕ СО НАВРЕДЛИВА СОДРЖИНА И ВУЛГАРНОСТИ ЌЕ БИДАТ ИЗБРИШАНИ А НИВНИТЕ АВТОРИ БЛОКИРАНИ
