Загрижен наш читател инаку голем љубител на туризмот и обожавател на „Пониква“ и нејзините убавини во моментот ни испрати две фотографии токму од „Пониква“ од кои јасно се гледа какви се „љубители на туризмот“ ја посетуваат Осоговската убавица.
Иако некој се погрижил да направи оградено место за контејнери во кои ќе треба да се фрла сметот, некои од „умните“ љубители на природата се погрижил наместо во контејнерите, кесите со смет од прозорецот на возилото да го фрла пред заградениот дел, буквално на самиот паркинг простор, кој потоа животните го разнесуваат.
Господа „љубители на природата“, доколку сакате да се фалите дека сте биле на „Пониква“ ве замолуваме и да се грижите за нејзината убавина. Ова што го правите личи на луѓе без осет, без лична култура и без домашно воспитување. Доколку во иднина сакате истото да го направите подобро седете си дома и не го уништувајте заедничкото добро кое мајката природа ни го подарила.
