Во организација на ФУСМАК (Федерација за училиштен спорт на Македонија) денес во ПСУ „Јахија Ќемал“ во Скопје се одржа Државното првенство во шах за учебната 2022/2023 година.
Јована Давиткова ученичка во ОУ „Св. Кирил и Методиј“ – Кочани под менторство на професор Ивица Цимбаљевиќ супериорно го освои првото место.,
Давиткова одигра шест партии и забележа исто толку победи што ја промовираше во Државен првак во учебната 2022/2023 година за ученички од основните училишта.
Јована веќе неколку години во континуитет е освојувач на први места во нејзина конкуренција како во настапите за училиштето, така и за екипата во која што настапува.
С. Ивановски
