Со цел да се зголеми безбедноста на пешаците, на почетокот на улицата „АСНОМ“ во Кочани е поставена заштитна ограда на скалите. Оваа интервенција е реализирана како превентивна мерка за намалување на ризикот од незгоди при движењето, особено во услови на зголемена фреквенција на сообраќај и стрмен терен.
Улицата „АСНОМ“ се спојува со „Кеј на револуцијата“, во непосредна близина на Градскиот парк, каде што секојдневно се движат голем број пешаци и возила. Скалите водат кон стрмна угорнина, што дополнително ја зголемува опасноста, особено за повозрасните граѓани, децата и лицата со отежнато движење.
Поставувањето на оградата има за цел да обезбеди посигурно движење на пешаците и да придонесе кон унапредување на јавната безбедност во овој дел од градот.
КОМЕНТАРИТЕ СО НАВРЕДЛИВА СОДРЖИНА И ВУЛГАРНОСТИ ЌЕ БИДАТ ИЗБРИШАНИ А НИВНИТЕ АВТОРИ БЛОКИРАНИ
