Со цел да се подобри степенот на јавната чистота, во текот на викендот екипи на КЈП „Водовод“ – Кочани спроведоа акција за чистење на улиците и тротоарите низ градот. Активностите беа насочени кон јавни површини на коишто подолг период немало континуирано одржување и собирање на отпад.
Координирани од градоначалникот на Општина Кочани Владко Грозданов и директорот на КЈП „Водовод“ Дејан Анакиев, екипите го исчистија потегот од Стришанска чешма кон Белското Маало, како и потегот од Џамијата кон Бавчалукот, долж улицата „Гоце Делчев“.
Градоначалникот Грозданов нагласи дека ваквите акции ќе продолжат и во наредниот период.
Одржувањето на јавната чистота е наша заедничка одговорност. Општината и комуналните служби ќе продолжат со редовни интервенции, но апелирам и до граѓаните со совесно однесување да придонесат за почисто и поуредно Кочани – повикува Грозданов
Општина Кочани
КОМЕНТАРИТЕ СО НАВРЕДЛИВА СОДРЖИНА И ВУЛГАРНОСТИ ЌЕ БИДАТ ИЗБРИШАНИ А НИВНИТЕ АВТОРИ БЛОКИРАНИ
