Во Недела со почеток во 15:00 часот се играат натпреварите од 15-тото коло во Трета Фудбалска Лига – Исток.
Лидерот на табелата „Осогово“ ќе ја угости мошне добрата екипа на „Спартмани“. Во двете пролетни кола кочанчани забележаа исто толку победи и според најавите сите во клубот очекуваат таа низа да продолжи и во неделата.
Во Пробиштип се игра дерби на колото каде „рударите“ ја пречекуваат второпласирана екипа на „Овче Поле“.
„Академците“ од Чешиново-Облежево гостуваат во Карбинци додека Беровскиот третолигаш патува во Струмица. Колото го затвора натпреварот во Богданци каде патуваат „рибарите“ од Дојран.
Двојки за 15-тото коло:
„Осогово“ – „Спартмани“
„Карбинци“ – Академија „Чешиново-Облешево“
„Тиверија“ – „Малеш“
„Вардарски“ – „Дојранско Езеро“
„Рудар“ – „Овче Поле“
Слободна е екипата на „Брегалница сениори“
С. Ивановски
КОМЕНТАРИТЕ СО НАВРЕДЛИВА СОДРЖИНА И ВУЛГАРНОСТИ ЌЕ БИДАТ ИЗБРИШАНИ
