Идејното решение на средношколци од СОУ „Љупчо Сантов“ од Кочани за решавање на проблемот со загаден воздух беше причината да им биде доделена првата награда на Boodkamp-от кој од 25.04 до 27.04.2023 година се одржа во хотел „Дрим“ во Струга.
Денес речиси и не може да се зборува за чист воздух. Но не е во прашање дали, туку колку е загаден тој воздухот што го дишат граѓаните на Кочани. Секојдневното соочување со протести од граѓаните по социјалните мрежи а некогаш организирани и на отворен простор, бројни плакати, написи, мурали беа причината учениците од СОУ „Љупчо Сантов“ од Кочани да седнат и да изнајдат идејно решение за решавање на проблемот со загадениот воздух.
И по многу работа и самоодрекување успеаја да го пронајдат идејното решение, а тоа е Дигитален фотосинтетски билборд.
Токму со тоа нивно идејно решение учениците од СОУ „Љупчо Сантов“ под менторство на професор Ирена Димитрова Јорданова аплицираа на UPSHIFT циклус дигитализација и беа избрани меѓу десетте финалисти на ниво на Република Северна Македонија.
На Boodkamp-от што се одржа во Струга тие го промовираа дигиталниот фотосинтетски билборад со изработен прототип и ја освоија првата награда во износ од 120.000,00 денари.
Искористувајќи ја биолошката фотосинтетска способност на алгите, како и моќта на сончевата енергија како обновлив извор на енергија, иновацијата допринесува кон прочистување на загадениот воздух. Билбордот нуди можност и за прикажување на дигитални визуелни реклами каде ќе имаат можност да се рекламираат општествено одговорните компании.
Решението позитивно влијае како од еколошки, така и од економски аспект.
Учениците од СОУ „Љупчо Сантов“ – Кочани освоија и втора награда, за најкреативна фотографија со менторот.
Пораката е испратена, идејата за чисто Кочани е на учениците од СОУ „Љупчо Сантов“ – Кочани и на никој друг.
Респект за нашите млади сограѓани.
С. Ивановскиу
КОМЕНТАРИТЕ СО НАВРЕДЛИВА СОДРЖИНА И ВУЛГАРНОСТИ ЌЕ БИДАТ ИЗБРИШАНИ
