Со завршувањето на зимскиот распуст на учениците успешно заврши и традиционалниот извиднички зимски камп на Осогово.
Оваа година на зимскиот камп учествуваа 60 извидници предводени од три старешини и двајца водачи.
Извидниците беа сместени во „Осоговски конак“ каде успешно беа реализирани сите предвидени актвности и извиднички вештини.
Извидниците преку ова неформално образование преку забава и игра се стекнаа со нови извиднички вештини и знаења како и нови другарства.
Дел од активностите се одвиваа во природа каде уживаа во прекраснита зимска идила.
Голема благодарност до соработниците и пријателите на извидниците кои зедоа учество во активностите: Планинарското друштво „ Осогово“, со кое се спроведе хајк до врвот Панаѓур. Правење на “Зимски град” во соработка со Александра Димитрова од Центарот за култура “Бели Мугри”.Вежби за прва помош во соработка со Црвен крст од Кочани. Работилница со наслов “Танцот како уметничка форма и универзален израз на емоциите” подготвена и претставена од Магдалена Кочовска Салтирова.
Благодарност до сите учесници и поддржувачи кои помогнаа во создавање на вистински вредности и формирање на ликот на младите извидници..
Нашето мото продолжува и понатаму “Создаваме подобар свет”.
ИО „Ластовица“ – Кочани
КОМЕНТАРИТЕ СО НАВРЕДЛИВА СОДРЖИНА И ВУЛГАРНОСТИ ЌЕ БИДАТ ИЗБРИШАНИ
