Во организација на Карате Федерацијата на Македонија во саботата се одржа традиционалниот Меѓународен карате турнир „Очимпик Опен 2025“.
На еден од најголемите карате турнири што се организира во Македонија годинава учествуваа повеќе од илјада натпреварувачи од повеќе земји.
Карате Клуб „Кочани“ учествуваше со 20 натпреварувачи кои освоија вкупно 23 медали“.
Во категоријата „Кати“ освоени се 9 бронзени медали а нивни носители се: Дарија Симеонова, Дариан Георгиев, Петар Стаменков, Филип Ананиев, Горан Ѓоргиев, Давид Давитковски, Давид Митев, Јана Јанчева, и Мартин Стојчев.
Во категоријата „Борби“ освоени се 14 медали од кои, 2 златни, 2 сребрени и 10 бронзени.
Алексеј Ристов и Лана Ристова се носители на златните медали, сребрените ги освоија Лана Ристова и Калин Сандев, додека бронзените отидоа во сопственост на, Јана Јанчева, Ана Костадинова, Давид Митев, Горан Ѓоргиев, Давид Давитковски, Мартин Стојчев, Калин Сандев, Илина Костадинова, Лука Златков и Магдалена Николова.
„Несомнено дека освоените медали се голем успех за нашиот клуб. Успешниот настап на нашите претставници и освоените медали ги посветуваме на настраданите во дискотеката Пулс. Нека медалите бидат во чест на сите починати кои никогаш нема да бидат заборавени а на повредените им посакуваме успешно закрепнување и што побргу враќање дома“ беше изјавата на тренерот на КК „Кочани“, Игор Каров.
С. Ивановски
КОМЕНТАРИТЕ СО НАВРЕДЛИВА СОДРЖИНА И ВУЛГАРНОСТИ ЌЕ БИДАТ ИЗБРИШАНИ
