Се одиграа натпреварите од 19-тото коло во Втора Фудбалска Лига. Фаворитите за највисок пласман според очекувањата забележаа победи и ја продолжија „мртвата трка“ за првите три места на табелата.
По осум кола без пораз (5 во есенскиот дел и три во пролетниот дел) денес „жетварите“ беа сопрени во Скопје, Домаќинот „Скопје“ славеше со 2:0 (1:0) но победата ја извојува со многу мака со многу пролиена под бидејќи кочанчани беа добар партнер, цврст противник кој знаеше што сака на ова гостување. Домаќините поведоа во 45’ а стрелец на погодокот беше Симеон Христов. По една нафрлена топка од десната страна Христов им избега на своите чувари и биеше со глава, топката најпрвин удри на теренот и се одби во левиот горен агол од гостинскиот гол. Во второто полувреме се водеше изедначена битка а домаќините стравот од евентуален примен гол ги напушти во 83’ кога ново влезениот Тео Мировски по изведениот корнер од десната страна од 5-6 метри биеше со глава и по втор пат го матираше Ѓорѓи Јованоски.
„Брегалница“ без поголеми напори славеше во Новаци, исто како и „Тетекс“ во Виница односно „Кожуф“ во Ресен. Четвртата победа гостите ја извојуваа во Радовиш каде по доста неискористени шанси на домаќините на крајот славеше „Беласица’.
„Охрид“ ја посрамоти екипата на „Победа“, а „рударите“ во Македонска Каменица со доста напори ја совладаа екипата на „Вардар“ – Неготино
Резултати од 19-тото коло:
Скопје – Осогово 2:0
Слога 1934 – Тетекс 0:3
Детонит Плачковица – Беласица 0:1
Големо Коњари – Шкендија (А) (Натпреварот се игра во недела)
Охрид – Победа 10:0
Преспа – Кожуф 1:3
Каменица Саса (Вардар (Н) 1:0
Новаци – Брегалница 1:3
Во следното коло „Осогово“ ја пречекува екипата на „Големо Коњари“.
С. Ивановски
КОМЕНТАРИТЕ СО НАВРЕДЛИВА СОДРЖИНА И ВУЛГАРНОСТИ ЌЕ БИДАТ ИЗБРИШАНИ А НИВНИТЕ АВТОРИ БЛОКИРАНИ
