Ученици од ООМУ „Ристо Јуруков“ од Кочани под водство на нивниот наставник-ментор Благој Николов, денес учествуваа на Државниот натпревар „Теорија на музика 2026’ кој се одржа во ДМУЦ „Илија Николовски – Луј“ во Скопје.
Четирите ученици, претставници на ООМУ „Ристо Јуруков“ – Кочани имаа импресивен настап и на крајот освоија две Специјални награди, 1 награда за прво место и 1 награда за второ место.
Бјанка Димова со овоени 100 поени доби Специјална награда исто како и Теодора Захариева која исто така со освоени 100 поени доби Специјална награда.
Климент Филипов со освоени 100 поени ја доби наградата за прво место, додека Маша Иванова го освои второто место.
Убав успех и за учениците и за наставниот кадар на ООМУ „Ристо Јуруков“ – Кочани кое секоја година во континуитет високо се пласира на речиси сите натпреварувања.
С. Ивановски
КОМЕНТАРИТЕ СО НАВРЕДЛИВА СОДРЖИНА И ВУЛГАРНОСТИ ЌЕ БИДАТ ИЗБРИШАНИ А НИВНИТЕ АВТОРИ БЛОКИРАНИ
