Можат и стотина текстови да се напишат за нецивилизираното однесување на поединци кога склопот на поединци е таков да ниту мислат ниту размислуваат, едноставно самоволно продолжуваат да ја уништуваат животната средина.
Овој пат ниту ни е виновна полицијата, ниту пожарникарите, ниту општината, ниту Водовод, виновни сме по кој знае кој пат сите ние, виновни бидејќи го толерираме ваквото однесување на поединци.
Го искористил викендот и на левата страна од патниот правец Кочани-Гратче, неколку метри над Бавчалук го исфрлил двосед ли е, тросед ли е, кој го искористил па од утринава минувачите на тој правец и да сакаат да не го видат, ќе го видат.
Ако е за аир, доста е!
Општината и КЈП „Водовод“ имаат доволно вработени па пожелно е да се седне на маса и да се договорат за да се постават лица во вид на комунални редари кои ќе дежураат на тој правец за да секој ваков поединец биде ригорозно казнет.
Овој народ е научен, се додека не се удри по џебот вака ќе се однесува. Време е да почне да се изрекуваат казни и да се менуваат навиките.
И се додека не си ги смениме навиките или законот не завладее се ќе ни се случуваат непосакувани нешта како она што му се случи на Кочани пред три месеци.
С. Ивановски
КОМЕНТАРИТЕ СО НАВРЕДЛИВА СОДРЖИНА И ВУЛГАРНОСТИ ЌЕ БИДАТ ИЗБРИШАНИ
