Мото клуб „Strong riders“ – Кочани и годинава исто како и мината ќе биде дел од „Новогодишниот базар“ кој по повод Новогодишните и Божиќните празници го организира Општина Кочани.
Членовите на ова здружение ги завршија сите подготовки и според нив мото дефилето насловено како „Дедо Мраз на мотор“ може уште утре да почне.
Исто како и минатата година така и годинава на дечињата ќе им подарат пакетчиња со што ќе им ја честитаат Новата година. Ако минатата година поделија околу 350 пакетчиња, годинава таа бројка ќе биде многу поголема. Како што не информираат годинава обезбедиле преку спонзори и со свои средства околу 1.600 новогодишни пакетчиња.
Од Мото клубот „Strong riders“ – Кочани изразуваат голема благодарност до сите компании кои со своите донации ќе израдуваат голем број на дечиња.
Мото дефилето ќе се одржи во Недела на 29.12.2024 година во 12:30 часот во „Паркот на Револуцијата“ во Кочани.
С. Ивановски
КОМЕНТАРИТЕ СО НАВРЕДЛИВА СОДРЖИНА И ВУЛГАРНОСТИ ЌЕ БИДАТ ИЗБРИШАНИ
