Почитувани од ОО на СДС,
Како личност и како вршител на функцијата Градоначалник чувствувам должност и одговорност во реализацијата и завршувањето на сите затечени и предложени проекти и активности од страна на граѓаните во интерес на Општина Кочани.
Кога зборувате за проекти од инфраструктурна револуција, кажете зошто истите не биле завршени или за какви цели и потреби биле само зачнати?
Еднаш Ве прашав и повторно ќе го поставам прашањето: Дали треба да ги оставиме работите кои само се започнати, а незавршени кои ги авторизирате како сопствени и да го почекаат евентуалното Ваше доаѓање на власт за да бидат завршени тогаш?
Видео записот за добитниците на наградите од Општината, овојпат подготвен од авторите кои се потпишани на истиот чини 0 денари.
Граѓаните кои ми дадоа поддршка се мудри и добро знаат да ја ценат и препознаат посветеноста во извршувањето на должноста. А за транспарентноста зборува информацијата од спроведената анализа за 2022 година на Центарот за граѓански истражувања, кадешто Општина Кочани со 95,8% е на високо место во државата и на прво место во регионот.
Со почит,
Кабинет на градоначалник на Општина Кочани
