Во организација на Кошаркарскиот Клуб „Баскет Дино“ – Кочани, вечерва во салата „Сашо Лазарев – Чапо“ се одигра хуманитарениот кошаркарски натпревар „40 дена тишина – Кочани се обединува во чест на загинатите во дискотеката Пулс“.
Во преполнетата сала на паркетот продефилираа поранешни и сегашни кошаркари сите вечерва обединети преку спортот, љуновта и спомените.
Натпреварот кој немаше натпреварувачки карактер имаше за цел да се соберат што повеќе гледачи кои со купените карти и со донациите допринесоа да се соберат средства кои ќе бидат поделени на семејствата на настраданите.
Секоја чест за идејата и реализацијата на организаторите КК „Баскет Дино“ – Кочани за овој хуманитарен настан.
С. Ивановски
КОМЕНТАРИТЕ СО НАВРЕДЛИВА СОДРЖИНА И ВУЛГАРНОСТИ ЌЕ БИДАТ ИЗБРИШАНИ
