Вчера Претседателот на Советот на Општина Кочани, Александар Андов, заедно со Секретарот на Општината, Драган Ананиев, остварија исклучително продуктивна средба со Министерот за спорт, г-дин Борко Ристовски, на која беа договорени значајни проекти од областа на спортот за кои следува реализација во 2026 година.
Министерот изрази силна поддршка и посветеност кон развојот на спортот и унапредување на спортската инфраструктура во Општина Кочани.
Поддршката следува за проектите:
– Целосна реконструкција на Спортската сала „Сашко Лазаров – Чапо“ – Кочани
-Целосна реконструкција на Салата за гимнастички спортови „Партизан“
Овие инвестиции претставуваат значаен чекор напред за развој на спортот во општината и ќе обезбедат современи услови за тренинг и напредок на младите таленти.
Општина Кочани упатува голема благодарност до Министерството за спорт и министерот Ристовски за поддршката и партнерскиот однос.
Продолжуваме заедно да ја градиме подобрата спортска иднина на Кочани!
Општина Кочани
КОМЕНТАРИТЕ СО НАВРЕДЛИВА СОДРЖИНА И ВУЛГАРНОСТИ ЌЕ БИДАТ ИЗБРИШАНИ А НИВНИТЕ АВТОРИ БЛОКИРАНИ
