Фудбалскиот натпревар „Осогово“ – „Беласица“ 0:5 (0:0) освен по добрата и ефикасна игра на гостите од Струмица ќе се памти и по одличната атмосфера на трибините што ја создадоа навивачките групи „Сејмени“ и „Ајдуци“.
Иако бројноста на навивачите не беше на очекувано ниво сепак и тие што беа сместени на двете спротивни трибини со своето фер и коректно навивање му дадоа еден посебен шмек на натпреварот.
Убаво би било кога се почесто на трибините би гледале вакво навивање, отколку навреди, вулгарни зборови и закани.
Ваквото навивање ја враќа вербата во фудбалот.
Секоја чест и за едните и за другите, беше еднаш, нека се повторува секогаш.
С. Ивановски
