Почитувани,
Работата на членовите на Управниот и Надзорниот одбор на Јавното претпријатие за стопанисување, поставување и одржување на јавно осветлување ,,Светлина КО 2022″ ке биде волонтерска, без непотребни и дополнителни трошоци на парите на граѓаните и Општината, ова беше по иницијатива и предлог на Советниците од редовите ОО СДСМ Кочани, на 12 редовна седница на Советот на Општина Кочани
СДСМ имала и ќе има слух за граѓанската јавност, за подобрување на квалитетот на животот и зачувување од излишни трошоци на парите на своите сограѓани. Но, за жал не и опозицијата. Општината нема средства за ништо друго, освен за вработување на своите партиски војници. Две недели новоназначен директор на Детската градинка “Павлина Велјанова” , а веќе вработени лица од фамилии на нивното раководство, вработенувања во ЈОУ Библиотека Искра, вработувања во КЈП “Водовод” и унапредување на нивните партиски војници. Истото тоа раководство кое беше најгласно против ваквите вработувања сега си го покажа вистинското лице и причината за борба за власт.
А пари во Буџетот на Општината нема?!
Освен партизирање на Општина Кочани, во последните седум месеци ДПМНЕ не сработи ништо. Дури и проектите започнати од претходното раководење на СДСМ не се завршени. Критики, манипулации, стари – за нив добро познати обиди за сопствен бенефит и вработувања.
Граѓаните на Кочани заслужуваат да знаат каде се трошат нивните пари!
Со почит,
ОО СДСМ Кочани
