Се одржа најавениот едночасовен граѓански протест во чест на починатите и поддршка за повредените во несреќата во клубот „Пулс“ во Кочани.
На протестот присуствуваа повеќе граѓани на Кочани кои во „Паркот на револуцијата“ ја искажаа поддшката и кон починатите и кон сите оние кои моментно се на лекување..
Со испишани пораки на транспаренти, граѓаните на Кочани испратија порака за целосно расчистување на трагедијата во дискотеката „Пулс“ и немилосрден одговор на надлежните правосудни институции.
Притоа, дел од граѓаните дадоа поддршка и на лицата од обезбедувањето во дискотеката кои спасувале и извлекувале повредени, обезбедувачи кои моментално се во притвор.
За утре (Недела) со почеток од 12:30 ч. најавен е нов собир кој ќе започне во „Паркот на Револуцијата“ од каде ќе продолжи по улиците во Централното градско подрачје.
Благодарност до порталот Гласно за отсѕапените фотографии
КОМЕНТАРИТЕ СО НАВРЕДЛИВА СОДРЖИНА И ВУЛГАРНОСТИ ЌЕ БИДАТ ИЗБРИШАНИ
