Во организација на ФА „Мугри“ и оркестарот за изворни народни песни и ора што работи при НУ ЦК „Бели Мугри“ – Кочани, синоќа во преполната сала на „Бели Мугри“ беше одржан Завршниот концерт на ФА „Мугри“ и оркестарот за изворни народни песни и ора.
Годинава фолклористите и членовите на ФА „Мугри“ беа многу активни во однос на настапите како во во земјава, така и во странство, на кои освоија бројни награди и признанија.
Самиот фолклорен анасмбл „Мугри” при Националната установа-Центар за култура „Бели Мугри” – Кочани активно работи од 2011 се со цел да го истражува и негува фолклорот од Осоговијата. Заедно со оркестарот за изворни народни инструменти претставуваат една силна спрега на фолклорни вредности што носат резултати. Тоа го докажаа на повеќе фестивали во државата и странство, каде освоија многубројни награди и признанија меѓу кои и значајни гранд – при награди.
На задоволство на публиката која салата во „Бели Мугри“ ја наполни до последното место на настанот освен настапот на организаторот, се појавија повеќе фолклорни ансамбли од земјата како и од соседна Република Србија.
На крајот задоволството беше обострано, публиката од изведбите а учесниците од приемот и аплаузите кои ги добија на отворена сцена.
С. Ивановски
КОМЕНТАРИТЕ СО НАВРЕДЛИВА СОДРЖИНА И ВУЛГАРНОСТИ ЌЕ БИДАТ ИЗБРИШАНИ
