Жителите од улицата „Љупчо Сантов“ јавно бараа од надлежните во општината да ги заштитат барем кога излегуваат на нивната улица. Бидејќи како што подвлекуваат овде во двата правци се вози многу бргу тие со молба на улицата да се постават т.н. лежечки полицајци и колку толку да им се зголеми сигурноста.
„На оваа улица и преку ден а особено и преку ноќ се вози лудо. Честопати гледаме како млади возачи за кои не веруваме дека и поседуваат возачка дозвола а згора на се возат и нерегистрирани возила како со нивните возила развиваат големи брзини што кај нас предизвикува страв. Посебно се плашиме за безбедноста на нашите деца. На улицата нема поставено ниту еден пешачки премини, а молиме да постават и лежечки полицајци за да возачите ја намалат брзината и колку току бидеме посигурни кога сме на улицата. Не знам што се чека, дали некој треба да настрада па тогаш да се преземат мерки“.
С. Ивановски
