Се вршат последните подготовки во чест на прославата на патрониот празник на училиштето ООУ „Климент Охридски“- Облешево кој ќе биде одбележан со низа активности.
Во соработка со невладината “Зелена Градба Асоцијација“„ со кои потпишавме меморандум за соработка учениците имаа пред Новогодишна и Божиќна работилница на тема „Рециклирај ,Редуцирај подари“.
Целта на оваа работилница е со позитивна и убава атмосвера да се подигне совеста кај најмалите за потребата од заштита на животната средина, а прекрасните изработки ќе бидат дел од Новогодишната магија.
Во подготовките за патрониот празник на училиштето „Климент Охридски“ талентираните ученици со подршка од своите врсници од соседните општински училишта Страшо Пинџур – Соколарции Синиша Стоилов –Зрновци и со менторство од наставниците по Ликовно образование, холот на училиштето го претворија во ликовно ателје и твореа на тема „Иконопис и сликање на дрво и платно“.
Спортските екипи на трите училишта ја исполнија спортската сала во Облешево и преку спортски дух и навивање на најубав начин го одбележаа празникот што претстои.
Утрешниот ден (петок) е наменет за главниот настан, отварање на спомен –биста на св.Климент Охридски во училишниот двор и свечена академија во чест на патронот на училиштето.
Поканата е отворена за сите заинтересирани кои сакаат да бидат дел од програмата по повод патрониот празник на училиштето.
ООУ „Климент Охридски“
КОМЕНТАРИТЕ СО НАВРЕДЛИВА СОДРЖИНА И ВУЛГАРНОСТИ ЌЕ БИДАТ ИЗБРИШАНИ
