Со приложените фотографии вака изгледаат сите сандачиња каде се сместени хидрантите во ламела „А“ во влез број 2 во Градскиот Трговски Центар во Кочани. Трагедијата која го пеплоса Кочани а и Македонија им ги отвори очите речиси на повеќето на кои изминатите години им беа затворени.
Јавна тајна е дека цревата во хидрантите ги нема 40 години а дека според изјавите на дел од станари се однесени по нивите за да служат за наводнување. Сите тогаш виделе но сите молчеле.
Противпожарните скали одамна ја немаат видено светлоста на денот, едноставно ги снема а тие служеа за евакуација на станарите при не дај Боже избивање на пожар.
Бидејќи зградата е проектирана да има парно греење (одамна се котлите разкрчмени) направена е без оџаци а и ден денес дел од пицериите токму отворот за вентилација го користат за приклучок на нивните печки. Сето тоа допринесе вентилациониот одмор да е доста намален а на неговите ѕидови да има поголема количина маснотии.
Се поставува прашање што би се случило ако некоја искра од неколкуте несовесни станари кои во вентилацијата ги приклучиле своите печки и се греат на дрва ја запали таа маснотија! За последиците подобро и да не помислуваме.
Нашите реакции до дел од угостителите да си ги користат аспираторите и почесто да си ги менуваат филтрите не дадоа резултат бидејќи истите не убедуваа дека за такво нешто имале одобрение од општината иако на никому никогаш не му е покажан таков документ.
И така, по се изгледа ќе чекаме уште некоја лоша случка да ни се случи па да ги сосема отвори очите за да сфатиме дека со нашето молчење и со не преземањето на акција од надлежните институции ние сме виновниците бидејќи ние сме тие кои го креираме системот.
С. Ивановски
КОМЕНТАРИТЕ СО НАВРЕДЛИВА СОДРЖИНА И ВУЛГАРНОСТИ ЌЕ БИДАТ ИЗБРИШАНИ
