Тројца борачи на БК „Спартак“ – Кочани зедоа учество на Меѓународниот турнир во борење грчко-римски стил „Panagiotis Poikilidis – Iordanis Karageorgiou“ што се одржа денес во Солун (Еепублика Грција).
Во конкуренција на 180 борачи од Македонија, Грција, Бугарија, Србија и Романија борачите на „Спартак“ освоија едно трето место.
Бронзениот медал го освои Филип Ангелов во категорија до 80 килограми У-17, додека Филип Јакимов, категорија до 65 килограми У-17 и Мартин Цветков, категорија до 52 килограми У-15 останаа без пласман.
Екипата во својство на тренер ја водеше Гоце Ангелов, а Игор Христов ја делеше правдата на душекот.
С. Ивановски
КОМЕНТАРИТЕ СО НАВРЕДЛИВА СОДРЖИНА И ВУЛГАРНОСТИ ЌЕ БИДАТ ИЗБРИШАНИ
