Второлигашот од Кочани продолжува со одигрување на подготвителни натпревари. Денес на теренот во Горни Подлог „Осогово“ ја пречека екипата на „Беласица“ од Струмица.
Гостите со головите на Давид Ристевски, Жика Крстев и Апостол Митров триумфираа со резултат 3:0 (2:0). Домаќините при резултат 0:2 не реализираа пенал.
Причината зошт натпреварот не се одигра на стадионот „Никола Мантов“ е поради зачувување на теренот кој е доста мек по врнежите од дожд оваа седмица.
На следниот контролен натпревар „Осогово“ ќе му биде домаќин на прволигашот „Вардар“ од Скопје кој е закажан за следната недела.
С. Ивановски
КОМЕНТАРИТЕ СО НАВРЕДЛИВА СОДРЖИНА И ВУЛГАРНОСТИ ЌЕ БИДАТ ИЗБРИШАНИ А НИВНИТЕ АВТОРИ БЛОКИРАНИ
