Eva Longoria и Cafe De Anatolia во центарот на вниманието: ѕвездата од Очајни домаќинки го сподели хитот на македонскиот бренд „Romantica“, веднаш по Cristiano Ronaldo, Sheikh Hamdan и принцезата Sheikha Mahra
Македонскиот музички бренд Cafe De Anatolia го продолжува својот глобален раст. Нивниот хит „Romantica“ веќе подолго време е хит и привлекува внимание од светски познати личности, вклучувајќи ја и Холивудската актерка/ѕвезда Eva Longoria од серијата Очајни домаќинки, која го сподели на својот Instagram story.
Песната претходно веќе беше забележана од Cristiano Ronaldo, како и од влијателни личности од Дубаи, вклучувајќи го Sheikh Hamdan и принцезата Sheikha Mahra. Принцезата исто така го сподели и „Mediterraneo“ од Billy Esteban, што дополнително ја истакнува глобалната привлечност на музиката на Cafe De Anatolia.
https://www.youtube.com/watch?v=I4zVVopkVZo (извор)
Cafe De Anatolia исто така соработува со големи светски брендови и луксузни локации, вклучувајќи Giorgio Armani, Radisson Blu, Four Seasons и многу други, што дополнително ја зацврстува нивната позиција како водечки бренд во етно-електронската музика и луксузната entertainment индустрија.
Со милиони слушатели ширум светот, „Romantica“ и „Mediterraneo“ се примери на музика што брзо се шири и добива внимание од различни култури, личности и глобални платформи, потврдувајќи дека Cafe De Anatolia е водечко име на светската музичка сцена.
Cafe De Anatolia, заедно со своите под-брендови во различни области како винарија, модна агенција, агенција за артисти и други, е основан од семејството Илиеви – Зоран Илиев, Моника Илиева и Никола Илиев во 2017 година.
КОМЕНТАРИТЕ СО НАВРЕДЛИВА СОДРЖИНА И ВУЛГАРНОСТИ ЌЕ БИДАТ ИЗБРИШАНИ А НИВНИТЕ АВТОРИ БЛОКИРАНИ
