Денес во ООУ „Св. Кирил и Методиј“ – Кочани училиштето пулсираше во ритамот на идните првачиња.
Настанот беше исполнет со радост, игра и креативни активности, преку кои најмладите имаа можност да го направат своето прво запознавање со училишната средина.
Преку бои, музика и дружење, децата ги создадоа своите први училишни пријателства и добија впечаток дека училиштето е место каде секое дете е важно и прифатено.
Целта на настанот беше да се поттикне љубопитноста, самодовербата и љубовта кон учењето уште од најрана возраст. Идните првачиња денес покажаа дека се подготвени за нови предизвици и за освојување на светот на знаењето. ООУ „Св. Кирил и Методиј“ – Кочани со нетрпение ги очекува во септември, кога ќе го слушнат својот прв училишен ѕвонец и ќе ги започнат своите образовни авантури.
ООУ „Св. Кирил и Методиј“
КОМЕНТАРИТЕ СО НАВРЕДЛИВА СОДРЖИНА И ВУЛГАРНОСТИ ЌЕ БИДАТ ИЗБРИШАНИ А НИВНИТЕ АВТОРИ БЛОКИРАНИ
