- Најдобра женска епизодна улога се доделува на Ангела Атанасовска од претставата „Тирамису“ на Интимен театар, Битола. Ангела покажа стабилна сценска изведба и точна емоција во градењето на ликот. Најдобра епизодна женска улога се доделува и на Неда Глигиќ од претставата „Раѓање“ на АП „Бранислав Нушиќ“, Шид. Неда ги придоби симпатиите на публиката и жирито со својата експресивност, природност и сериозната посветеност при градењето на својот лик.
- Најдобра машка епизодна улога се доделува на Огнен Велевски од претставата „Самоубиство во самоодбрана“ на Алтернативен театар „Отпишани“, Скопје. Огнен Велевски толкуваше повеќе споредни улоги кои беа точно издефинирани и прецизно изведени.
- Најдобра женска главна улога се доделува на Зорица Митева од претставата „Тој и Таа“, на Театарска група „Годо“, Кочани. Зорица Митева плени со својата сценска појава, актерски израз и зрелост. Нејзината креација на ликот Таа е комплетна и повеќеслојна и тоа ја прави достојна за носител на оваа награда.
- Најдобра машка главна улога „Никола Димитров” се доделува на Никола Димевски од претставата „Гласови“ на театар „Чекори“, Скопје. Никола беше конкретен, точен и лесно разбирлив во толкувањето на ликот.
- Најдобра режија „Борис Стојчев“ се доделува на Цветин Аничиќ за режија на претставата „Раѓање“ на АП „Бранислав Нушиќ“, Шид. Режисерот Аничиќ успеал да создаде прекрасна кохезија прикажувајќи ги балканските стереотипи и лесно да раскаже комплексна приказна во која носителите се прекрасните женски ликови.
- Награда за истражување нови сценски изразни средства и експеримент во аматерскиот театар се доделува на претставата „ Ништо не е страшно“ на „Театар Пи“, Скопје. Оваа претстава нѐ изненади, заинтересира и нѐ остави без здив. Понуди нови сценски решенија и експерименти кои беа лесно приемчиви за сите.
- Специјална награда за најдобра претстава во категоријата театар за деца и младинци. се доделува на претставата „Приказна за волшебната шума“, во изведба на Домот на култура „Иван Мазов-Климе“, Кавадарци. Приказната за волшебната шума која е компилација од делата на браќата Грим, нѐ вивна во светот на имагинацијата и детската невиност, нудејќи и поучни елементи.
- ГРАН ПРИ „Васил Ќортошев“ се доделува на претставата „Ништо не ѐ страшно“ на Центарот за изведувачки уметности и едукација „Театар Пи“ од Скопје. Белегот којшто оваа претстава ни го остави по нејзината изведба е длабоко втиснат во сите нас. Не само во нас како комисија, туку и до секој еден посетител на истата што веднаш се забележа по изразот на нивните лица.
28 Мај 2022 год.
Кочани
Жири на ДАФ-Кочани 2022
1.Дритон Вејсели, 2. Владимир Тулиев, 3. Марина Поп Панкова
Благодарност до Гласно.мк за фотографиите
