По повод 24-ти Јануари „Меѓународниот ден на образованието“, претставници на на делегацијата на Европската Унија во Скопје предводени од Амбасадорот г-н Дејвид Гир остварија посета на СОУ „Љупчо Сантов“ – Кочани.
При посетата ценетиот гостин со членовите од делегацијата најпрвин остварија средба со директорот Љубомир Гацов каде што од негова страна беа запознаени со активностите во кои што учествува училиштето: Erazmus plus програмата, e,Twinning и Junior Achievement проекти.
Учениците од СОУ „Љупчо Сантов“ кои што неодамна го посетија Европскиот Парламент во Стразбур имаа единствена можност да остварат средба со амбасадорот и да ги споделат нивните лични искуства од учеството во образовната активност Euroscola.
На средбата учениците ги информираа своите гости за постоењето и на други образовни активности кои што ги нуди Европскиот Парламент а стана збор и за потенцијалната соработка со Делегацијата на ЕУ во Скопје, во насока на понатамошно учество во слични активности.
КОМЕНТАРИТЕ СО НАВРЕДЛИВА СОДРЖИНА И ВУЛГАРНОСТИ ЌЕ БИДАТ ИЗБРИШАНИ
