Кошаркарите на „Баскет Дино“ од Кочани ја остварија и втората победа во годинешното првенство во Трета Кошаркарска Лига – група 1, откако како домаќини во второто коло ја совладаа екипата на „Овче Поле“ со 132:70 (29:15; 42:25; 30:19; 31:11).
Самиот резултат по четвртини зборува каков натпревар се играше во Кочани. Домаќините супериорни во текот на целиот натпревар а гостите на кои очигледно им недостасува и искуство и вакви натпревари не може ништо да сторат против далеку подобриот противник.
Кошевите за домаќините ги постигнаа: Филипов 39, Лазарев 17, Ивановски 16, Манасиев 13, Илиев 10, Коцев 11, Ѕ’мбов 9, Петров 8, Манев 5, Василков 2, Златков 2.
С. Ивановски
