Почитувани планинари, планинарски клубови и љубители на планината, ФПСМ и ПСК Осогово – Кочани ве покануваат на настанот „Пониква 2024” каде на 8 декември заедно ќе го одбележиме Светскиот ден на планините.
ПРОГРАМА
– планинарска акција
– доделување признанија
– забавен дел.
ПЛАНИНАРСКА АКЦИЈА
– Опис на акцијата
Стартот е во 09:00 часот од паркингот на детското одмаралиште Пониква. Ќе се движиме по кружна и лесна планинарска патека, каде првиот дел е претежно низ шума, а вториот дел е колски пат. Патеката води до врвот Панаѓур, 1669мнв кој е највисоката точка на Пониква. На врвот правиме мала пауза за чај, и воедно, ќе можеме да видиме многу македонски планини, како и планини во Србија, Бугарија, Грција, Албанија. Од врвот се упатуваме кон целта- манастирот Св. Василиј каде ќе имаме можност да се дружиме и уживаме во забавниот дел од програмата. Патеката е кружна, со должина од 7 км, елевација 300 метри, и вкупно пешачење од 4 часа.
– Превоз
Превозот е во сопствена режија.
– Опрема
Акцијата ќе биде изведена во зимски услови. Секој учесник треба да има соодветна зимска опрема:
– добро разгазени зимски планинарски обувки
– зимска облека во слоеви
– планинарски стапчиьа
– очила, ракавици, капа
– и широка насмевка.
– Водичи
Тошо Антов- ПСК Осогово
Стојка Антова – ПСК Осогово.
Водичи од клубовите- гости на настанот.
Уште неколку насоки:
– учесниците да се во добра здравствена и психофизичка состојба
– сите учесници треба да се членови или да се приклучат кон одреден планинарски клуб/друштво/ организатор
– задолжително пријавуваье и доставуваье на листи од друштвата/ клубови со водич на групата (во прилог)
– секој да си понесе прибор за јадење (чинија, лажица, вилушка, чаша)
– организаторот го задржува правото за промена на програмата.
ЗАБАВЕН ДЕЛ НА НАСТАНОТ
Во трпезариските простории на манастирот Св. Василиј ќе имаме можност да уживаме во музичка програма, планинарско гравче и топол чај обезбедени од организаторот.
Повеќе информации кај:
Тошо 078/ 270 724, Стојка 071/ 314 482, Мирче 078/ 325 585, Методи 078/ 203 047
ПСК „Осогово“ – Кочани
КОМЕНТАРИТЕ СО НАВРЕДЛИВА СОДРЖИНА И ВУЛГАРНОСТИ ЌЕ БИДАТ ИЗБРИШАНИ
