Денес на стадионот „Никола мантов“ во Кочани шефот на Стручниот штаб на „Осогово“ ја закажа првата прозифка со што и официјално започнаа подготовките за пролетниот дел на првенството во Втора Фудбалска Лига.
Од Крстев дознаваме дека подготовките ќе се реализираат во Кочани каде најпрвин ќе се работи на физичката издржливост а потоа ќе се работи и со топка а за тактички техничкиот дел се договорени засега пет натпревари кои во „Осогово“ сметаат дека се доволни.
На 24.01. е натпреварот со „Детонит Плачковица“ во Кочани,
На 28.01. е натпреварот со „Аеродром“ во Скопје,
На 31.01. е натпреварот со „Беласица“ (не е утврден домаќинот)
На 07.02. е натпреварот со „Вардар“ (Скопје) кој се игра во Кочани,
На 14.02. Генералката со „Вардар“ (Неготино) домаќинот не е утврден.
Од играчите кои ги бранеа боите на „Осогово“ во есенскиот дел на првенството засега заминаа двајца, Владимир Жоглев потпиша за „Шкендија“ од Арачиново а младиот Давид Голубов потпиша за прволигашот „Тиквеш“ од Кавадарци.
Засега „Осогово“ се засили со двајца играчи, Филип Димоски кој игра на позицијата центарфор дојде од редовите на „Победа“ од прилеп, а додека играчот за врска Алпај Јусув доаша од „Фортуна“.
С. Ивановски
КОМЕНТАРИТЕ СО НАВРЕДЛИВА СОДРЖИНА И ВУЛГАРНОСТИ ЌЕ БИДАТ ИЗБРИШАНИ А НИВНИТЕ АВТОРИ БЛОКИРАНИ
