Наш читател ни испрати допис со фотографии за моменталната состојба со „Градскиот пазар“ во Кочани. Во дописот кој ви го пренесуваме во целост се вели:
„Состојбата со хигиената во градскиот пазар е на очајно ниво. Во градскиот пазар и од сликите можете да забележите дека има расфрлано ѓубре на сите страни. Освен ова има многу расфрлано и тезги насекаде.
Се надеваме дека надлежните од Водовод ќе најдат време и ќе почнат навремено да го изнесуваат создаденото ѓубре од продавачите бидејќи се создаваат диви депонии околу контењерите, а од тоа се шири неподнослива миризба.
Исто така повикуваме да се направи контрола во затворениот дел каде што се продаваат млечни производи со цел да се реагира навремено за подигнување на хигиената на местата каде што се продава храна за да не се прошири некоја зараза“.
КОМЕНТАРИТЕ СО НАВРЕДЛИВА СОДРЖИНА И ВУЛГАРНОСТИ ЌЕ БИДАТ ИЗБРИШАНИ
