ХУМАНИТАРЕН ВЕЛИГДЕНСКИ БАЗАР НА СЛЕПИТЕ И СЛАБОВИДНИ ЛИЦА ОД КОЧАНИ

април 14, 2023
1 минути

Почнувајќи од денес, во наредните три дена, Здружението за слепи лица од Кочани ќе биде дел од хуманитарен базар во градскиот парк во Кочани. На базарот ќе бидат изложени за продавање ракотворби, кои во изминатиот период слепите и слабовидни лица од Кочани ги направија на креативни работилници оддржани со цел подобрување на работните вештини на овие лица за изработка на ракотворби со користење на отпадни материјали.

Базарот и работилниците се дел од проектот „Подобрување на вештините на слепите и слабовидни лица во Кочани и нивно интегрирање во процесот на рециклирање на отпад“, кој го имплементира „Здружение на слепите лица“, Кочани, во партнерство со Здружението за екологија и заштита на животната средина „Еко Тим Исток“ – Кочани.

Главна цел на проектот е зголемена вработливост и вклучување во процесот на рециклирање отпад на лицата со попреченост преку подобрување на вештините на слепите и слабовидните лица во Кочани. Целна група се вкупно 15 слепи и слабовидни лица, од кои осум мажи и седум жени.
Повелете, ве очекуваме да го посетите штандот и погледнете прекрасните ракотворби.

Funded by the
European Union

Проектот „Подобрување на вештините на слепите и слабовидни лица во Кочани и нивно интегрирање во процесот на рециклирање на отпад“ се реализира во рамките на „Регионалната програма за локална демократија на Западен Балкан 2 – ReLOaD2“, која е финансирана од Европската унија (ЕУ), а ја спроведува Програмата за развој на Обединетите нации (УНДП).

Проектот е кофинансиран од општина Кочани.

КОМЕНТАРИТЕ  СО  НАВРЕДЛИВА  СОДРЖИНА  И  ВУЛГАРНОСТИ  ЌЕ  БИДАТ  ИЗБРИШАНИ