Во саботата ( 22.02.2025 година) ИО „Ластовица“ зеде учество на централната прослава за одбележување на „Светскиот ден на извидниците“, која оваа година се одржа во Св,Николе.
На настанот нашиот одред го претставуваа група од 40 извидници, двајца водачи и двајца старешини. На самиот настан имаше повеќе од 500 деца и млади од повеќе од 10 градови од Македонија.
Настанот свечено беше отворен со интонирање на државната и извидничката химна, со давање на извидничкиот завет и доделување на марами на новите извидници.
Самата бројка од над 500 извидници собрани на едно место зборува за големината и движечката сила на извидниците. Покрај свечениот дел, учесниците имаа можност да се натпреваруваат во извиднички игри, ориентација, тимски предизвици и работилници, преку кои учат за природата, одржливоста и градењето на заедницата.
ИО „Ластовица“
КОМЕНТАРИТЕ СО НАВРЕДЛИВА СОДРЖИНА И ВУЛГАРНОСТИ ЌЕ БИДАТ ИЗБРИШАНИ
