По објавеното писмо од група рекреативци, љубители на природата кое беше објавено на нашиот портал денес а по повод чадот и миризбата што се шири од депонијата, реагираше в.д. директорот на КЈП „Водовод“ – Кочани Иван Иванов:
„Најодговорно тврдам дека во текот на денешниот ден фирмата специјализирана за пожари од ваков вид, заедно со противпожарната екипа и екипата на КЈП „Водовод“ и денес ја гаснеше депонијата. Во текот на денот извршивме увид заедно со градоначалникот. Гаснењето продолжува и утре и ќе трае се додека не се угаси пожарот. Белиот чад е практично водена пареа која е резултат на гаснењето. За жал сеуште чади и се шири непријатна миризба. Не е во ред да се пласираат дезинформации дека никој ништо не презема, особено не е во ред за луѓето кои влегуваат директно во оган за да ја изгаснат. Пожарот не е ни малку наивен, гори метан и е многу тешко за гаснење“.
С. Ивановски
