Во организација на Карате федерацијата на Северна Македонија и Карате Клуб „Металург“, денес се одржа традиционалниот Меѓународен карате турнир „Никола Грддановски – Нике“.
Каратистите на „Кочани“ учествуваа со двајца натпреварувачи и освоија две медали, од кои еден златен и еден бронзен.
Наталија Карова во категоријата „јуниорки“ до 48 килограми го освои златниот медал, додека Лука Ѓорѓиев во категоријата родени 2009 година до 45 килограми стигна до бронзата.
Добар настап и добар резултат постигнаа овие млади спортисти и покажаа дека континуитетот на освојување медали не е случаен.
С. Ивановски
