Во организација на Карате федерацијата на Македонија и на Карате Клуб „Фунакоши Гичин“, во саботата во Скопје се одржа Меѓународниот карате турнир „Фунакоши Гичин – 2025“.
Каратистите од Карате Клуб „Кочани“ имаа мошне добро отворање во новата сезона, бидејќи на турнирот освоија 10 медали од кои: 4 златни, 2 сребрени и 4 бронзени.
Златни медали:
Томислав Ристов освои два златни медала во конкуренциите, „помлади кадети“ до 45 килограми и „помлади кадети“ до 48 килограми, Лука Златков во категорија „помлади кадети“ до 52 килограми и Алексеј Ристов во категоријата „ученици“ до 34 килограми.
Сребрени медали:
Магдалена Николова во категорија „помлади кадети“ +55 килограми и Лука Ѓоргиев во категорија „кадети“ до 63 килограми.
Бронзени медали:
Петар Стаменков – кати, родени 2017 и помлади, Душанка Ристова во категоријата „помлади кадети“ до 45 килограми и во карерија „кадети“ до 47 килограми, како и Лука Златков во категорија „помлади кадети“ до 57 килограми.
С. Ивановски
КОМЕНТАРИТЕ СО НАВРЕДЛИВА СОДРЖИНА И ВУЛГАРНОСТИ ЌЕ БИДАТ ИЗБРИШАНИ
