Лошите резултати на кочанскиот второлигаш „Осогово“ и немањето можност да се засили со нови играчи во текот на првенството, ја присили управата на размислување дека треба нешто да се превземе за да не продолжат лошите резултати на „жолто-сините“. По долго размислување клубот реши да го засили Стручниот штаб. Така од Понеделник на клупата на „Осогово“ ќе седне познато и признато фудбалско име, една од легендите на „Осогово“, Мирче Натков.
Од сигурни извори на клубот дознаваме дека во текот на денешниот ден Претседателот на клубот Перо Георгиевски најпрвин разговарал со Мирче Натков а потоа го информирал и Шефот на Стручниот штаб Горанчо Ѓеорѓиев за ангажирањето на Мирче Натков.
Се надеваме дека засега ова е добар потег на управата бидејќи Натков со своето фудбалско искуство може многу да помогне за да „Осогово“ што побргу излезе од оваа хаотична состојба.
С. Ивановски
КОМЕНТАРИТЕ СО НАВРЕДЛИВА СОДРЖИНА И ВУЛГАРНОСТИ ЌЕ БИДАТ ИЗБРИШАНИ
