Во текот на вчерашниот ден на вештачкото езеро „Гратче“ кај Кочани уловен е капиталец тежок 51,60 килограми што е досега најголема уловена риба во водите на ова езеро.
Јорданчо Минов и Кристијан Јангелов на блинкер уловиле капиталец од сортата Тостолоб или попознат како „чистач“ кој е од родот тревопасни риби, односно се храни со тревата која е во водите на езерото.
Двајцата рибари капиталецот го имаат фатено со блинкер а го уловиле на средината на езерото веднаш спроти „Стариот мотел“ додека ловеле од чамец.
Тостолобот освен 51,6 килограми тежина има и 146 см. должина што е вистинско ремек дело за рибарите кои го уловиле.
Инаку овие сорти на риби растат доста бавно а според рибарите истите се пуштени во езерото „Гратче“ уште во времето на Југославија, односно пред околу педесет години.
С. Ивановски
КОМЕНТАРИТЕ СО НАВРЕДЛИВА СОДРЖИНА И ВУЛГАРНОСТИ ЌЕ БИДАТ ИЗБРИШАНИ А НИВНИТЕ АВТОРИ БЛОКИРАНИ
