Годинава од 04-07 Мај ќе се одржи 10. издание на меѓународниот фолклорен фестивал „Традиционални Ѓурѓовденски обичаи, песни и ора“. И годинава на програмата се фолклорните концерти што ќе се одржат во Зрновци и Оризари.
Петок (05.05.2023 година) домаќин е Зрновци. Во 15:30 часот е дефилето на учесниците а веќе во 16:00 часот се Традиционалните Ѓурѓовденски игри кои ќе се одржат во „Етно парк“. Фолклорниот концерт што ќе се одржи исто така, во „Етно парк“ е закажан од 16:30 часот по што во 18:30 часот следува дегустацијата на традиционалните јадења.
Сабота (06.05.2023 година) домаќин е Оризари. За во 14:30 часот е закажано дефиле на учесниците а веќе во 15:30 часот се традиционалните Ѓурѓовденски игри во река Масалница. Традиционалните обичаи започнуваат во 16:00 часот кога на програмата се: биење млеко, правење масло, традиционален Ѓурѓовденски зелник. Сето тоа проследено со песни и ора во домот на културата во Оризари.
Годинава на фестивалот учествуваат фолклорни ансамбли од Македонија, Србија, Црн Гора, Босна и Херцеговина, и Бугарија.
С. Ивановски
КОМЕНТАРИТЕ СО НАВРЕДЛИВА СОДРЖИНА И ВУЛГАРНОСТИ ЌЕ БИДАТ ИЗБРИШАНИ
