Во организација на БК „Шкупи“ од Скопје, денес во спортската сала „Зеф Љуш Марко“ во Скопје се одржа Меѓународен турнир во борење слободен стил У-15 „Шкупи Опен 2024“.
На турнирот учествуваа повеќе од 200 борачи од 10 држави: САД, Словачка, Франција, Турција, Австрија, Бугарија, Грција, Албанија, Косово и домаќинот Република Македонија.
БК „Спартак“ учествуваше со четири борачи кои на крајот освоија еден златен и еден бронзен медал.
Даријан Павлев во категоријата до 70 килограми го освои златниот медал, а Павел Темелков во категоријата до 80 килограми стигна до бронзениот медал.
Останатите двајца борачи на „Спартак“ Мартин Цветков и Едис Билалов останаа без пласман.
Тренер на експедицијата борачи од Кочани беше Кирчо Дамјанов а правдата на душекот ја делеа и кочанските судии Игор Христов и Гоце Ангелов.
С. Ивановски
КОМЕНТАРИТЕ СО НАВРЕДЛИВА СОДРЖИНА И ВУЛГАРНОСТИ ЌЕ БИДАТ ИЗБРИШАНИ
