Посетителите на кафулињата во Градскиот Трговски Центар од кои општината „дебело“ профитира со право реагираат по овие летни горештини.
Прашуваат дали надлежните чекаат температури околу 50˚ па да ја пуштат во употреба фонтаната, несомнено еден од најскапите проекти (доколку навистина тоа е проект) кој ја чинеше Општина Кочани.
Дека фонтаната е во очајна состојба по овие горештини тоа е факт, но факт е и напуштеното зеленило кое вода нема видено од последните дождови. Да иронијата биде поголема на посетителите им сметаат и некои неодговорни граѓани кои со скутери и мотоцикли се движат по мермерните плочи кои од ден на ден се повеќе се уништуваат.
Ако кафулињата и другите угостителски објекти се и те како добар извор на средства од кои се пополнува Буџетот на општината, тогаш и надлежните од општината треба да им возвратат на овие стопанственици чиј главен извор на приход им се нивните гости.
С. Ивановски
КОМЕНТАРИТЕ СО НАВРЕДЛИВА СОДРЖИНА И ВУЛГАРНОСТИ ЌЕ БИДАТ ИЗБРИШАНИ
