Деновиве Општинскиот совет за безбедност на сообраќајот на патиштата – Кочани, Одделението за внатрешни работи – Кочани и Општина Кочани спроведоа акција со која ги потсетија учесниците во сообраќајот, посебно возачите на моторни возила на соодветното однесување во претстојните празници.
Летоци со едукативни и информативни сообраќајни пораки беа поделени на учесниците во сообраќајот на повеќе локации во Кочани.
Надлежните служби предупредуваа на неопходното носење зимска опрема и даваа препораки за олеснување и проверка на возилата во зимски услови.
За време на новогодишните празници се препорачува да не се употребуваат автомобилите ако тоа не е неопходно, да се вози одговорно и да се почитуваат правилата за ограничување на брзината, а посебно се акцентираше препораката: ако возиш не пиј алкохол!
Општина Кочани
КОМЕНТАРИТЕ СО НАВРЕДЛИВА СОДРЖИНА И ВУЛГАРНОСТИ ЌЕ БИДАТ ИЗБРИШАНИ
