Во организација на Боречки Клуб „Лирија“ од Скопје, денес во Скопје во спортската сала „Зеф Љуш Марко“ се одржа Меѓународниот турнир во борење „Ментаз Алајбегу и Хајруш Синани 2024“.
На турнирот се појавија повеќе од 150 борачи од речиси сите клубови од Македонија а имаше претставници и од Турција, Бугарија, Косово и Албанија.
Боречкиот Клуб „Спартак“ од Кочани настапи со шест натпреварувачи кои освоија 1 златен и 2 бронзени медали.
Со одличен и преди се супериорен настап се истакна Даријан Павлев. Тој настапи во категоријата до 68 килограми. Совладувајќи ги на убедлив начин сите свои противници Павлев заслужено се закити со златниот медал и со стил на голем Шампион ја заврши оваа година.
Бронзените медали во силна конкуренција ги освоија Павел Темелков во категорија до 75 килограми и Јован Илијев во категорија до 57 килограми.
Останатите тројца борачи на „Спартак“, Стојана Митева, Мартин Цветков и Едис Билалов останаа без медали.
Екипата на „Спартак“ ја предводеше тренерот Иван Јанев, а Гоце Ангелов и Игор Христов беа дел од судиската екипа кои ја делеа правдата на душекот.
Кога се ќе се собере и одземе годината на заминување за борачите на „Спартак“ од Кочани можеме да ја оцениме како мошне успешна.
С. Ивановски
КОМЕНТАРИТЕ СО НАВРЕДЛИВА СОДРЖИНА И ВУЛГАРНОСТИ ЌЕ БИДАТ ИЗБРИШАНИ
