По повеќе од една деценија пауза конечно Боречкиот Клуб „Спартак“ од Кочани ќе има свој претставник на едно Балканското првенство.
Дарјан Павлев како член на репрезентацијата на Македонија од 4 до 7 Мај ќе настапи на Балканското првенство во борење слободен и грчко римски стил за момчиња и девојчиња У-15 и У-17 кое ќе се одржи во Серез (Грција).
За своето деби на едно вакво поголемо натпреварување Павлев се избори откако го освои првото место на Изборното првенство У-15 а месец дена подоцна го повтори успехот и на Државното првенство У_15 во категоријата до 57 килограми.
„Добро сум подготвен. Изминатиот период навистина многу работев за да можам да направам добар резултат на Балканското првенство. Иако ова ми е прв настап на едно вакво големо натпреварување со оптимизам заминувам за Грција. Со добра жрепка се надевам дека ќе можам да освојам и медал. Верувам во себе и во своите можности“ ни рече деновиве Павлев откако одработи уште еден пеколен тренинг.
Инаку нашата репрезентација и во двете категории У-15 и У-17 ќе настапи во комплетен состав а и двете категории ќе бидат надополнети со по 4 девојчиња.
Тренер на екипата е Горан Атанасов од Радовиш а репрезентативците заминуваат на 4 Мај.
Се надеваме на добри вести од Балканското првенство.
С. Ивановски
КОМЕНТАРИТЕ СО НАВРЕДЛИВА СОДРЖИНА И ВУЛГАРНОСТИ ЌЕ БИДАТ ИЗБРИШАНИ
